Мөнхийн хоёр хөрштэйгөө улс төр-дипломатын талбарт харилцаж ирсэн Монголын түүхэн туршлагыг эрдэмт гүүш Т.Төмөрхүлэг баттай агаад баялаг баримт хэрэглэгдэхүүнд тулгуурлан чадварлагаар урлаж, үнэмшилтэйгээр дэнслэн өгүүлсэн нь баярлууштай. Ингэхдээ түүх бичлэгийн хэвшмэл бус, шинэсрэг арга зүйг баримтлан өөрийн гэсэн өнгө аясаар туурвисан нь олзуурхууштай. Уул бутээл Монгол төрийн гадаад бодлогын шийдвэр гаргагч болоод гардан гүйцэтгэгч эрхэм түшээд төдийгүй гадаад харилцаанд оролцогч хэн бүхний анхаарал таашаалд бүрнээ нийцэх нь дамжиггүй.