Орегон Мужийн эгэл жирийн гэр бүлээс гаралтай Флойд Пасеман АНУ-ын Тагнуулын Төв Газарт 1967-2001 оныг хүртэл нийт 35 жил ажиллажээ. Тэрээр Азийн орнууд тэр дундаа Хятадын чиглэлээр мэргэшсэн тагнуулч бөгөөд сурахад тун ч амаргүй энэ орны хэлийг бүрэн эзэмшсэнээс гадна соёл уламжлалыг нь андахгүй мэддэг нэгэн байжээ. Тагнуулын ажлыг хамгийн багаас нь эхэлж, ТТГ-ын мэргэжлийн албан хаагчийн хувьд хамгийн өндөр албан тушаалын нэг болох Ажиллагааны газрын Хэлтсийн дарга хүртэл дэвшиж явсан түүхтэй.