Урлаг, уран зохиол судлалын ай савд хамаарах нэгэн өвөрмөц бүтээл ийн хэвлэгдэж байна. Мөнхүү бүтээл нь хэдийгээр судалгааны чиглэлийнх боловч харилцан яриа хэлбэрээр бичигдсэн, яруу найраг, уран зураг, сэтгүүл зүй болон уран зохиол судлал шүүмжлэлийн талын уран бүтээлчид оролцсон, ярилцлагуудыг жилийн 4 улирлын турш хийсэн гээд олон шинэлэг талуудтайгаараа онцлог юм.