“САХАР” ном нь орчин үед сөхөгдөөд буй хамгийн чухал сэдвийн нэг болох шим тэжээл, тэр дундаа чихэрлэг хүнсний хэрэглээ ба түүний эрүүл мэндэд үзүүлэх нөлөөний талаархи шинжлэх ухааны үндэслэлтэй, олон төрлийн судалгаа шинжилгээний дүнг хамруулсан бүтээл юм. Энэхүү бүтээл нь 304 хуудастай, 5 бүлгээс бүрдэнэ. Нэгдүгээр бүлгээр сахарын тухай ойлголт, хоёрдугаар бүлэгт нэмэлт чихрийн эрүүл мэндэд үзүүлэх нөлөөний талаар, гуравдугаар бүлэгт чихэр ба хүүхэд гэсэн сэдвийг хөндөж, дөрөвдүгээр бүлгээр сахарын хэрэглээг хэрхэн багасгах талаар, тавдугаар бүлэгт чихрийн тэнцвэрт хэрэглээний тухай тус тус дэлгэрэнгүй авч үзсэн. Дэлхий дахинд нүүрлээд байгаа хэт таргалалт болон энэ эмгэгийн үндсэн шалтгаануудын нэг болох сахарын хэтэрсэн хэрэглээг Монгол хүнд таниулан сэрэмжлүүлэх, тэнцвэрт хэрэглээг дэмжих, энэ талаархи мэдлэгийг таниулан тэлэхэд “САХАР” номын зорилго оршино.