Хятадад бизнес эрхэлж, бусадтай эв зүйгээ олж амьдрах тун амаргүй. Өдөр хоногийг өнгөрүүлэх ч санасны зоргоор бүтэх хэрэг биш. Хятадын эдийн засгийн ээдрээтэй асуудлуудын улмаас эгэл борчуудын эсэргүүцэл гомдлын дуу хоолой өдрөөс өдөрт чангарч байна. Энэ нь "улсын мөнгө" иддэг албан хаагчийн тэнэг мунхаг, чадвар мөхөсөөс биш, аливаа бодлого төлөвлөхдөө ямагт нүдэнд харагдах өнгөц үзэгдэлд хэт анхаарч, аливааг цогцоор шийдэлгүй зөвхөн асуудлыг намжаах гэж яардагтай холбоотой. Ийм учраас Хятадын одоогийн засгийн газар асуудлыг үндсээр нь шийдэх гэж толгой гашилгаж ч амждаггүй.