Америк оронд үүрлэсэн тагнуул, алан хядагч, эмх замбараагүй байдал өдүүлэгч, хөлсний алуурчидтай нууц тагнуулын аргаар тэмцдэг Холбооны Мөрдөх Товчооны удирдлагын арга барилыг задлан шинжилж нэмж, хасалгүйгээр энэхүү номдоо илчлэн бичсэн.
 Тагнуулын тусгай албаны тагнуулчид нийгмийн аюулгүй байдлыг хангах эрх ашгийн төлөө иргэдийнхээ хувийн амьдрал руу хууль бусаар нэвтэрч болдог юм уу, хүний халдашгүй эрх, эрх чөлөөний баталгааг тагнуулын аргаар зөрчсөөр байхтай нийгэм эвлэрэнгүй хандсаар байж болох уу гэдэг асуудлуудыг хөндсөн юм.
Энэхүү номын гол баатар ДЖ Эдгар Гувер бол Холбооны Мөрдөх Товчоог үндэслэн байгуулсан эцэг, америк оронд нууц тагнуулын сүлжээг байгуулах, боловсронгуй болгоход хагас зуу гаруй жил ухамсарт амьдралаа зориулсаар насан эцэслэсэн түүхэн бодит бие хүн байсан.