Хүн хоорондын нандин, халуун дулаан харилцааг 80 минутын ой санамжтай математикийн профессор, гэрийн үйлчлэгч, түүний хүү гурвын холбоо, математикийн гоо сайханг уран зохиолтой сүлсэн орчин цагийн япон зохиолчийн алдартай роман. Ном маань гурван гол дүртэй. Дэврүүн бадруун бус, тогтуун тайван өрнөлтэй. Нас, мэдлэг боловсролын түвшин, үзэж туулсан амьдрал, бүр ой санамжийн хувьд ч өөр өөр гурван хүн. Гэхдээ хайрлал дотносол, хамтын ганцаардал, эргэцүүлэл эрэлхийлэл, чигч үнэнч чин сэтгэл дүрүүдийг маань хэрхэн нэгтгэж буйг та мөдхөн мэдэрнэ гэж найдна.