Твайлайт Спаркл гүнжийн шинэхэн титэм Болор эзэнт гүрэнд зочлох үеэр нь алдагдана. Гүнж титмийг нь хулгайлсан Сансет Шиммерийн араас мөрдөн тэс өөр ертөнцөд хөл тавих бөгөөд тэрээр өөрийгөө... хүн болж хувирсныг анзаарлаа.
Сансет Шиммерийг ялан, титмээ эргүүлэн авч Эквестриа руу буцахын тулд Твайлайт энэхүү хачирхалтай ертөнцийн дүрэмтэй дасан зохицож, Кантерлот ахлах сургуулийн Намрын бүжгийн тэмцээний гүнжээр өргөмжлөгдөх хэрэгтэй болно. Аз болоход түүний талд үнэнч туслах Спайк болон төрөлх нутагт нь үлдсэн найзуудыг нь санагдуулам таван охин байх ажээ.